موضوع هام جدا جدا و ضروري جدا رأيكم فيو

في واحد حب بنت قريبتو حب شديد (= حب عذري ) وطوالي سرحان معاها و الزول دا كان اذا قعد في التلفزيون بشوف صورتها ما صورة ناس التلفزيون ( يعني حب مبالغ فيو) . بس كان في مشكلة انو كيف يوريها اعجابو وحبو ليها المهم من جاي لي جاي عرف ايميلها و بدا يتكلم معاها و بعد مدة قرر انو يصارحها بس كان خايف انها ما تكون مبادلاو نفس الشعور و يكون اتحرج واخد شاكوش كبير ( وانتو عارفنو حار كيف ) المهم شال الخوف من قلبو وقرر يكلمها وقال ليها انو معجب بيها وردت ليو رد بارد وقالت ليو ( يعجب بيك السمح ) المهم استمرو على الحال دا وبقى ما قاعد يقابلها كتير في الماسنجر يحدي ما يوم قابلها و فتح ليها الموضوع تاني وقالت ليو انا مقدرة مشاعرك و انا معتبراك زي اخوي و اخوي الصغير و كلام كتير كدا وخلاصتو ان الحب طلع من طرف واحد . وحاليا طول شديد ما قابلها امكن اكتر 5 شهور . القصة دي تقريبا كانت قبل سنة و هما الان عمرهم 18 ( البنت اكبر من الولد بي 40 يوم )
اها يا جماعة الزول دا يعمل شنو ؟ وعاوزين رأيكم ضروري لأنها مسألة حساسة جدا جدا .

( صاحب القصة صاحبي شديد ومشارك معانا في المنتدى ومن الاعضاء النشطين بس خجلان وخايف من انو يقول تجربتو دي و هو حسي متحير وما عارف يعمل شنو وعاوز رايكم بي سرعة و ضروري )

خالص ودي
أخوكم : ود حاكم